ဘမ်ရွန်ဂရက်အကြောင်း

ထိုင်းအမည် ဘမ်ရွန်ဂရက်
(bahm-roong-RAHT)Bumrungrad၏အဓိပ္ပာယ်မှာ“လူများကိုပြုစုပါ"ဖြစ်ပြီးအရှေ့တောင်အာရှတွင်အကြီးဆုံးဆေးဘက်ဆိုင်ရာအဖွဲ့အစည်းဖြစ်သောဤဘန်ကောက်ရှိဆေးရုံကြီးနှင့်ဆေးကုသအဆောက်အအုံကိုမည်သည့်စကားစုကမှပိုမိုလှပစွာဖော်ပြ နှိုင်းယှဉ်၍ မရနိုင်ပါ။ နှစ်စဉ်အတွင်းလူနာနှင့်ပြင်ပလူနာတစ်သန်းကျော်သည်ဘမ်ရွန်ဂရက်အပြည်ပြည်ဆိုင်ရာဆေးရုံကြီးတွင်ဆေးကုသမှုခံယူလျက်ရှိပါသည်။ ဤလူနာများအနက်မှ၄၀ရာခိုင်နှုန်းခန့်မှာဤဆေးရုံ၏သင့်တင့်မျှတသောဆေးကုသနှုန်းထားများနှင့်အရည်အသွေးမြင့်ပြုစုစောင့်ရှောက်မှုများ၏ဂုဏ်သတင်းများကြောင့်ထိုင်းနိုင်ငံသို့နိုင်ငံပေါင်း၁၉၀မှလာရောက်ဆေးကုသမှုခံယူရန်လာရောက်သောခရီးသည်များဖြစ်ကြသည်။ဘမ်ရွန်ဂရက်အပြည်ပြည်ဆိုင်ရာဆေးရုံကြီးတွင်လူနာများအတွက်စောင့်ဆိုင်းချိန်အနည်းငယ်သာလိုပြီး အကောင်းဆုံးသော ဝန်ဆောင်မှုများနှင့် ကျန်းမာရေးစစ်ဆေးခြင်းမှ အစနှလုံးအစားထိုးကုသခြင်းအထိအထူးကုသမှုဝန်ဆောင်မှုမျိုးစုံကိုရရှိနိုင်ပါသည်။ထို့ကြောင့်လည်ဘမ်ရွန်ဂရက်သည်ဆေးကုသခံယူဖို့လာရောက်ရန်ကမ္ဘာ့အကောင်းဆုံးနေရာတစ်နေရာများအနက်မှတစ်ခုဖြစ်ပြီးနိုင်ငံတကာကျန်းမာရေးစောင့်ရှောက်မှုတွင်စံပြအဖြစ်ရပ်တည်နေသည်မှာအံ့ဖွယ်မဟုတ်ပါ။

တပြေးညီဈေးဝါဒ

 

ဘမ်ရွန်ဂရက် အပြည်ပြည်ဆိုင်ရာဆေးရုံကြီးသည် ရိုးသားပွင့်လင်းမှုကို အခြေခံပြီး တပြေးညီဈေးဝါဒကို ကျင့်သုံးပါသည်။ 

 
  • လူနာသည် ဒေသခံဖြစ်စေ၊ နိုင်ငံတကာမှလူနာဖြစ်စေ၊ ဈေးနှုန်းအတူတူပင်ဖြစ်သည်။ 
  • လူနာသည် ဆေးရုံမှ တိုက်ရိုက် ရက်ချိန်းယူသည်ဖြစ်စေ၊ ကိုယ်စားလှယ်ထံမှ ရက်ချိန်းယူသည်ဖြစ်စေ၊ ဈေးနှုန်းအတူတူပင်ဖြစ်သည်။  
 

တည်နေရာ


ဘမ်ရွန်ဂရက်
 အပြည်ပြည်ဆိုင်ရာဆေးရုံကြီးသည် 33 Sukhumvit soi 3, Khlong Toey- Nua, Wattana, Bangkok 10110 Thailand တွင် တည်ရှိသည်။

Ploen Chit နှင့် Nana BTS မိုးပျံရထားဘူတာနှစ်ခုအကြား 

ဖုန်း +၆၆ ၂၀၆၆ ၈၈၈၈

အဘယ်ကြောင့်ထိုင်းနိုင်ငံကိုရွေးရလဲ?




ထိုင်းနိုင်ငံသည် ဆေးကုသမှုခံယူရန် ခရီးသည် ၃ သန်းကျော် နှစ်စဉ် လာရောက်ရာ နေရာဖြစ်ပြီး၊ ကမ္ဘာတစ်ဝှမ်းရှိ ခရီးသွားများ ဆေးကုသမှုခံယူရန်အတွက် အများဆုံးသွားရောက်သည့် နေရာဖြစ်ပါသည်။ JCI နိုင်ငံတကာအသိအမှတ်ပြုခံရသော ဆေးရုံကြီး ၆၄ ခုရှိသောနေရာ ဖြစ်သည်။အောက်ပါအကြောင်းများကြောင့် လူအများသည် ထိုင်းနိုင်ငံကို ၎င်းတို့၏ ကျန်းမာရေးစောင့်ရှောက်မှုအတွက် ရွေးချယ်ကြပါသည်။ 

 
  • ဖွံ့ဖြိုးတိုးတက်ပြီးသောကျန်းမာရေးစောင့်ရှောက်မှုဆိုင်ရာအခြေခံအဆောက်အအုံများ။

  • စနစ်တကျ လေ့ကျင့်သင်ယူခဲ့သော ဆေးဘက်ဆိုင်ရာ ကျွမ်းကျင်သူများ။

  • အဆင့်မြင့်ဆုံး ခေတ်မီနည်းပညာများ။

  • အကောင်းဆုံးဝန်ဆောင်မှုများနှင့်ပြူငှာသောပတ်ဝန်းကျင်။

  • ကုန်ကျစရိတ်သက်သာပြီးအရည်အသွေးမြင့်မားသော ကုသမှု။

  • အခြားရွေးချယ်နိုင်သောကုထုံးများနှင့်ခရီးသွားများအားဆွဲဆောင်နိုင်သောအရာများ။

 

ခြုံငုံကြည့်ခြင်း

  • အချက်အလက်များ
    လူနာပမာဏ
    • နှစ်စဉ် လူနာဦးရေ ၁.၁ သန်းကျော်ကို ကုသမှုပေးနေပါသည်။ (ပြင်ပလူနာနှင့် အတွင်းလူနာ)
    • လူနာဦးရေ ၅၂၀,၀၀၀ ကျော်သည် ကမ္ဘာအရပ်ရပ်ရှိ နိုင်ငံပေါင်း ၁၉၀ကျော်မှ လာသော လူနာများဖြစ်သည်။
    လူ့စွမ်းအားအရင်းအမြစ်များ 
    • နိင်ငံတကာစီမံခန့်ခွဲရေးအဖွဲ့ 
    • ဝန်ထမ်းဦးရေ ၄,၈၀၀ ကျော် 
    •  သူနာပြုဦးရေ ၁၀၀၀ ကျော် 
    • ဆရာဝန် နှင့် သွားဆရာဝန်ဦးရေ ၁,၃၀၀ ကျော်၊ ဝန်ထမ်းများ အများစု မှာ နိုင်ငံတကာတွင် ပညာလေ့လာဆည်းပူးခဲ့ပြီး အဆင့်မြင့် အောင်လက်မှတ်များရရှိထားသည်။
    ပြင်ပလူနာ အဆောက်အအုံ
    • ကမ္ဘာ့အကြီးဆုံး ပုဂ္ဂလိကပြင်ပလူနာကုသဆောင်များထဲမှတစ်ခု 
    • စမ်းသပ်ခန်းကျယ်၂၇၅ ခန်း
    • လူနာတင်ယာဉ်နှင့် ရွေ့လျားအရေးပေါ်ကုသရေးယာဉ်များ
    • ပြင်ပလူနာ ခွဲစိတ်ကုဌာန
    • အရေးပေါ်နှလုံးသွေးကြောပိုက်ထည့်ခြင်းအပါအဝင် ၂၄နာရီ အရေးပေါ်ဝန်ဆောင်မှု
    အတွင်းလူနာ အဆောက်အအုံ
    • အတွင်းလူနာကုတင် ၅၈၀ 
    • အထွေထွေ / ခွဲစိတ် / သားဖွား / ကလေး 
    • လူကြီးအထူးကြပ်မတ်ကုသဆောင် (ICU) 
    • နှလုံးအထူးကြပ်မတ်ကုသဆောင် (CCU) 
    • ကလေးအထူးကြပ်မတ်ကုသဆောင် 
    • အဆင့် ၄ မွေးကင်းစကလေး ကြပ်မတ်ကုသဆောင်
  • ဆေးဆိုင်နှင့်ဓာတ်ခွဲခန်း

    ဆေးဝါးကိုင် စက်ရုပ်

    ကျွန်ုပ်တို့သည် ဆေးကိုသုံးစွဲရမည့် ယူနစ်အလိုက် စီစဉ်ပြီး ဘားကုတ်ပါထည့်ထားသည့် ပြည့်စုံသော ထုတ်ပိုးမှု၊ သိမ်းဆည်းသိုလှောင်မှုနှင့် ဖြန့်ဖြူးခြင်းစနစ်ကို ကျင့်သုံးသည်။ ဤကဲ့သို့ Swisslog ဟု ခေါ်သော ဆေးဝါးကိုင် စက်ရုပ်ဖြင့် ခေတ်မီ ဆေးဝါးများအလိုအလျောက် စီမံခန့်ခွဲမှုစနစ်သည် အာရှတိုက်တွင် ပထမဦးဆုံး ကျင့်သုံးခြင်းဖြစ်သည်။

    ဤနည်းပညာသည် မှားယွင်း ရှုပ်ထွေးမှုများကို လျှော့ချပေးခြင်း၊ အလွန်အကျွံ မှတ်သားထားရခြင်းများကို ရှောင်ရှားနိုင်ခြင်း၊ အဓိကဖြစ်စဉ်များကို ရှင်းလင်းလွယ်ကူစေခြင်းနှင့် လုပ်ဆောင်ချက်များပိုမိုထိရောက်စေခြင်းဖြင့် အကျိုးကျေးဇူးများ ပေးသည်။ ဤစနစ်သည် ကောင်းမွန်စွာ လေ့ကျင့်သင်ယူထားသော ဆေးဝါးကျွမ်းကျင်ပညာရှင်များနှင့် နည်းပညာရှင်များအား ပုံမှန်လုပ်နေကျအလုပ်များတွင် အချိန်ကုန်သက်သာစေပြီး လူနာကုသမှုကို ပိုမိုအချိန်ပေးနိုင်စေသည်။ 

    ဓာတ်ခွဲခန်းများ

    ကျွန်ုပ်တို့သည် ထိုင်းနိုင်ငံ၏ ပထမဆုံးအသုံးပြုသော ဆေးဘက်ဆိုင်ရာ အလိုအလျောက်ဓာတ်ခွဲခန်းစနစ်ကို စတင်မိတ်ဆက်အသုံးပြုခြင်းဖြင့် လူနာဝန်ဆောင်မှုနှင့် ဘေးအန္တရာယ်ကင်းရှင်းမှုကို အဆင့်သစ်တစ်ခုသို့ အရည်အသွေးမြှင့်တင်ထားပြီးဖြစ်သည်။ Beckman Coulter ၏ အလိုအလျောက်ဓာတ်ခွဲခန်းစနစ်သည် ကမ္ဘာ့အဆင့်တန်းမီဆေးရုံများစွာက အသုံးပြုသောနည်းပညာပင် ဖြစ်သည်။ 

    ၎င်းသည် ဓာတ်ခွဲခန်းအဖြေထွက်ရန် စောင့်ရချိန်ကို လျော့နည်းစေပြီး တိကျမှုနှင့် ဘေးအန္တရာယ်ကင်းရှင်းမှုတို့ကို သေချာစေကာ အလုပ်ကို ပိုမိုထိရောက်စွာ လုပ်ကိုင်နိုင်စေသည်။ ဤစနစ်သစ်သည် သမားတော်များအား တိကျစွာနှင့် မြန်ဆန်ထိရောက်စွာ ရောဂါရှာဖွေရာနှင့် ဓာတ်ခွဲခန်းရလဒ်များကို ဖတ်ရာတွင် အထောက်အကူပြုသည်။  

     

  • လူနာအချက်အလက်
    ဘမ်ရုန်ရက်ဒ်အပြည်ပြည်ဆိုင်ရာဆေးရုံကြီးသည် ကျန်းမာရေးစောင့်ရှောက်မှုဆိုင်ရာ ခေတ်မီပလက်ဖောင်းကို ပံ့ပိုးပေးရန် Dell EMC နှင့် ပူးပေါင်းခဲ့သည်။ ၎င်းပလက်ဖောင်းသည် အနာဂတ်ဒီဂျစ်တယ်ခေတ်အတွက် အခြေခံအုတ်မြစ်များကို ချပေးနိုင်မည်ဖြစ်ပြီ:၊ ဆေးရုံကြီး၏ သမားရိုးကျအလုပ်များကို ရိုးရှင်းစေကာ ဆေးရုံကြီးအနေဖြင့် ကျန်းမာသန်စွမ်းရေးနှင့် ရောဂါကာကွယ်ရေးတို့ကို ပိုမို ဦးတည်မှုနှင့်အတူ တစ်ဦးချင်းအတွက် ပူးပေါင်းဆောင်ရွက်သော စောင့်ရှောက်ကုသမှုများကို ပြုလုပ်လာနိုင်မည်ဖြစ်သည်။

    ကျွန်ုပ်တို့သည် ခေတ်မီသော အလိုအလျောက်ဓာတ်ခွဲခန်းများကို စီမံခန့်ခွဲရန်နှင့် ခေတ်နှင့်လျော်ညီသော လူနာစောင့်ရှောက်ကုသမှုတို့ကို လုပ်ဆောင်ရန် Dell EMC ၏ converged infrastructure နည်းကို အသုံးပြုပါသည်။

    Dell EMC ၏ ဗွီဘလော့ခ်စနစ် (VxBlock® System) သည် ဆေးရုံ၏ အဓိက ဆောင်ရွက်မှုဆိုင်ရာများနှင့်သက်ဆိုင်သည့် အပလီကေးရှင်းများအားလုံးကို ထည့်သွင်းပြီး လုပ်ဆောင်နိုင်သော နေရာချဲ့နိုင်ချုံ့နိုင်သည့် ပလက်ဖောင်းတစ်ခုကို ဖန်တီးပေးခြင်းဖြင့် ရှုပ်ထွေးမှုများပြီး ဈေးကြီးသော နည်းပညာများကို ဖယ်ရှားပေးသည်။ ဆေးရုံဆေးခန်းတွင် ဆေးကုသမှုပေးသော ဆေးပညာရှင်များ၊ ဆရာဝန်များ၊ လူနာများနှင့် ဆုံးဖြတ်ချက်ချမှတ်ရန် တာဝန်ရှိသူများအတွက် ဦးတည်ပံ့ပိုးထားသည့် အလွယ်တကူရရှိနိုင်သော အချက်အလက်များကို ထည့်သွင်းပေးထားသည့် အလုံးစုံပါဝင်သော ပလက်ဖောင်းတွင် ကျွန်ုပ်တို့သည် အဓိကအပလီကေးရှင်းများကို စီမံခန့်ခွဲပါသည်။
     
  • လူနာဝန်ဆောင်မှုများ
     
    • ​စကားပြန်ဦးရေ ၁၅၀ ကျော် 
    • နိုင်ငံတကာလေဆိပ် အထွေထွေအကူအညီပေးခြင်းဆိုင်ရာ ဝန်ဆောင်မှု
    • အရေးကြီးပုဂ္ဂိုလ် (VIP) ကို လေဆိပ်တွင် လွှဲပြောင်းလက်ခံခြင်း
    • သံရုံးအကူအညီ 
    • နိုင်ငံတကာ အာမခံဌာနများနှင့် ပူးပေါင်းဆောင်ရွက်ခြင်း
    • ဗီဇာသက်တမ်းတိုးကောင်တာ
    • မူဆလင်ဆုတောင်းခန်း
    • ဟာလာအစားအစာနှင့် နိုင်ငံတကာအစားအသောက်စာရင်း
    • ဟိုတယ်ကြိုတင်စာရင်းပေးခြင်း
    • Wi-Fi
    • မက်ဒေါ်နယ် (McDonalds) နှင့် နိုင်ငံတကာစားသောက်ဆိုင်များ
    • စတားဘက််စ(Starbucks)
    • အစားအသောက်တန်း
    • ဆေးဆိုင်
    • ဘဏ်
    • လက်ဆောင်ပစ္စည်းဆိုင်
    • နိုင်ငံတကာ တယ်လီဗွီးရှင်းရုပ်သံလှိုင်းပေါင်းစနစ်များ
  • နည်းပညာ

    အသံလွန်လှိုင်း အသုံးပြု၍ ခန္ဓာကိုယ်တွင်းအင်္ဂါများအားပုံရိပ်ဖော်ခြင်း

    ဘမ်ရန်ရက်ဒ်အပြည်ပြည်ဆိုင်ရာဆေးရုံကြီးတွင် ကျွန်ုပ်တို့သည် နောက်ဆုံးပေါ် 4D နည်းပညာကို အသုံးပြုထားသည်။ အသံလွန်လှိုင်းအသုံးပြု၍ ခန္ဓာကိုယ်တွင်းအင်္ဂါများအားပုံရိပ်ဖော်ခြင်းသည် တစ်စက္ကန့်တွင် (၂၅) ပုံကို စကင်ဖတ်ပေးနိုင်သည့် မြန်ဆန်သော ပုံရိပ်များရိုက်ယူနိုင်မှုကြောင့် လှုပ်ရှားနေသော သက်ရှိကဲ့သို့ ရုပ်ပုံကို ဖန်တီးပေးသည်။ ရလဒ်အနေဖြင့် သင့်ရင်သွေး၏ ပုံရိပ်ကို လှုပ်ရှားမှုပုံစံအဖြစ် တိုက်ရိုက် မြင်တွေ့နိုင်မည်ဖြစ်သည်။ လေးဖက်မြင် (4D) နည်းပညာသည် သင့်ကလေးကို ဝမ်းဗိုက်ထဲတွင် မျက်လုံးဖွင့်သည့်အခါနှင့် သမ်းသည့်အခါများတွင်ပင် သင်မြင်နိုင်အောင် လုပ်ဆောင်ပေးနိုင်သည်။  

     

    ရောဂါကုသရာတွင်တိကျစေရန်အတွက် ပုံရိပ်များသုံး၍ ဓာတ်ရောင်ခြည်ဖြင့်ကုသခြင်း

    ကျွန်ုပ်တို့ဆေးရုံကြီးသည် ဥရောပတွင် ပထမဦးဆုံး စတင်မိတ်ဆက်ခဲ့သော ကင်ဆာကုသမှု နည်းပညာသစ်ဖြစ်သည့် ရောဂါကုသရာတွင်တိကျစေရန်အတွက် ပုံရိပ်များသုံး၍ ဓာတ်ရောင်ခြည်ဖြင့်ကုသခြင်း (IGRT) ကို ထိုင်းနိုင်ငံတွင် စတင် အသုံးပြုကုသပေးနေသော ပထမဆုံးဆေးရုံဖြစ်သည်။ IGRT သည် ကင်ဆာကျိတ်ကို ဓာတ်ရောင်ခြည်ဖြင့်ကုသသည့်နည်းဖြင့် အကျိတ်နေရာကို ရှာဖွေကုသရာတွင် အတိကျဆုံးနည်းဖြစ်သည်။ အကျိတ်ကို မကုသမီတွင် နေရာအတိအကျကို သိရှိနိုင်ရန်အတွက် ပုံရိပ်ဖော်နည်းပညာကို အသုံးပြုသည်။

     

    ပိုစီထရွန်ဒြပ်သုံးသောအဏုမြူဓာတ်မှန်(PET)/ကွန်ပြူတာအကူအိပ်စ်ရေးရောင်ခြည်ဓာတ်မှန်(CT)

    ထိုင်းနိုင်ငံတွင် ပထမဆုံးတပ်ဆင်အသုံးပြုခဲ့သော နည်းပညာထဲမှ တစ်ခုဖြစ်သည့် Siemens ၏ နောက်ဆုံးပေါ်နည်းပညာသည် ၃-၆ မီလီမီတာအထိ သေးငယ်သော အရွယ်အစားရှိသည့် မူမမှန်သော ဆဲလ်၏ တည်နေရာအတိအကျကို ဆရာဝန်များအနေဖြင့် ဖော်ထုတ်နိုင်စေသည်အထိ ပြတ်သားထင်ရှားမှုမြင့်မားသော ဓာတ်ပုံများကို ထုတ်ပေးနိုင်သည်။ စကင်စက်သည် CT သို့မဟုတ် MRI ကဲ့သို့ အခြားနည်းလမ်းများဖြင့် စစ်ဆေးပါက မတွေ့ရှိဘဲ ကျန်ခဲ့နိုင်သည့် ရောဂါအဆင့်များကို အသေးစိတ်စစ်ဆေးဖော်ထုတ်ပေးပြီး အန္တရာယ်ကင်း၍ နာကျင်မှုမရှိအောင် စစ်ဆေးပေးသည်။

     

    ကွန်ပြူတာသုံး၍ ဓာတ်မှန်ဖြင့် ရင်သားအားစစ်ဆေးခြင်း

    ကျွန်ုပ်တို့ဆေးရုံ၏ ရင်သားကုသမှုဌာနတွင် ကွန်ပြူတာသုံး၍ ဓာတ်မှန်ဖြင့် ရင်သားအားစစ်ဆေးခြင်း (CAD) ကို ပေါင်းစပ်ကာ အတိကျဆုံး စစ်ဆေးသည့်စနစ်ကို ရရှိနိုင်အောင် ဆောင်ရွက်ထားသည်။ ကွန်ပြူတာသုံး၍ ဓာတ်မှန်ဖြင့် ရင်သားအားစစ်ဆေးခြင်းသည် ပို၍ခေတ်မီဆန်းသစ်သော ဓာတ်မှန်ဖြင့် ရင်သားအားစစ်ဆေးခြင်းနည်းပင် ဖြစ်သည်။ ၎င်းသည် ပိုမိုမြန်ဆန်ပြီး သက်သောင့်သက်သာရှိစေကာ ဆရာဝန်ကိုလည်း သမားရိုးကျ အိပ်စ်ရေးရောင်ခြည် ဓာတ်မှန်များထက် ပြတ်သားထင်ရှားမှုမြင့်မားသည့် ပိုမိုကောင်းမွန်သောပုံရိပ်များကို ထုတ်ပေးနိုင်သည်။  ဆေးရုံဆေးခန်းများတွင် လေ့လာမှုများအရ CAD ကွန်ပြူတာသုံး၍ ဓာတ်မှန်ဖြင့် ရင်သားအားစစ်ဆေးခြင်းသည် ကင်ဆာတွေ့ရှိမှုနှုန်းကို ၆ - ၂၀% အထိ မြင့်တက်စေကြောင်း သိရှိရသည်။ ဤစနစ်သည် ရောဂါရှိကြောင်း စက်များ၏ မှားယွင်းစွာပြသမှုများကိုလည်း လျှော့ချပေးသည်။

     

    Wifi

    ဘမ်ရုန်ရက်ဒ်အပြည်ပြည်ဆိုင်ရာဆေးရုံတွင် Wi-Fi ကို လူနာများနှင့် ဧည့်သည်များ ဆေးရုံ၏မည်သည့်နေရာမှမဆို စွမ်းဆောင်ရည်လုံလောက်သောစက်ဖြင့် ချိတ်ဆက်သုံးစွဲနိုင်စေရန်အတွက် နေရာ (၃၀ဝ) ၌ တပ်ဆင်ပေးထားသည်။ Wi-Fi ကွန်ရက်သည် ထိုင်းနိုင်ငံတွင် အကြီးဆုံးကွန်ရက်များထဲမှ တစ်ခုအပါအဝင်ဖြစ်ပြီး နောက်ဆုံးပေါ်ခေတ်မီနည်းပညာကို အသုံးပြုထားကာ လုံခြုံစိတ်ချရမှုကို ပေးသဖြင့် Motorola's Enterprise Mobility Business မှ ချီးမြှင့်သော “အရှေ့တောင်အာရှတွင် အကောင်းဆုံးကြိုးမဲ့စနစ်” ဆုကို ရရှိထားသည်။ 

     

     

ဘမ်ရွန်ဂရက်ဆေးရုံကြီး မြန်မာပြည်ကိုယ်စားလှယ်

လူနာများကို ကူညီပံ့ပိုးပေးရန် Yangon International Medical Services ကို မြန်မာနိုင်ငံတွင် တရားဝင်ကိုယ်စားလှယ်အဖြစ် ကိုယ်စားလှယ်ရုံးဖွင့်ရန် ခန့်အပ်ထားပါသည်။ 
 
၎င်းတို့၏ဝန်ဆောင်မှုများတွင်မြန်မာနိုင်ငံမှလူနာများအတွက် ဆေးကုသမှုအစီအစဉ်များနှင့်ခန့်မှန်းခြေကုန်ကျစရိတ်များကိုကူညီရယူပေးခြင်း ၊ ဆရာဝန်ရက်ချိန်းယူပေးခြင်း ၊ ဗီဇာကိစ္စများ နှင့်  ခရီးသွားလာခြင်းအတွက်ပြင်ဆင်ပေးခြင်း၊ ထိုင်းနိုင်ငံအတွင်းလည်ပတ်သွားလာနိုင်ရန် ခရီးသွားဝန်ဆောင်မှုနှင့် အထူး VIP ဝန်ဆောင်မှုများ ပါဝင်သည်။ ထို ဝန်ဆောင်မှုများအားလုံးသည် အခမဲ့ဖြစ်ပါသည်။ 

ကိုယ်စားလှယ်ရုံးနှင့် စကားပြောရန်
မြန်မာနိုင်ငံရှိ ကိုယ်စားလှယ်

လူကြီးမင်းတို့၏ ဘာသာစကားကို ပြောနိုင်သော ကျွန်ုပ်တို့၏ဒေသဆိုင်ရာ ကိုယ်စားလှယ်များသည် ဆေးရုံကြီးနှင့်ပတ်သက်၍ သိရှိလိုသော မေးခွန်းများကို ဖြေကြားပေးရန်နှင့် ခရီးသွားရန် အစီအစဉ်များ ကြိုတင် ဆောင်ရွက်ပေးရန်အတွက် ကူညီပေးရန် အသင့်ရှိပါသည်။ ဤဝန်ဆောင်မှုအတွက် ဆေးရုံကြီး၏ မူဝါဒနှင့်အညီ အပိုဝန်ဆောင်ခပေးရန် မလိုပါ။